വരും കാലം

ഭൂമിയെ പരത്തിയ കാലത്തെ
തിരുത്തിയെഴുതിയവൻ രക്തസാക്ഷി.
ദൈവദാസനെന്നു സ്വയം പറഞ്ഞവനെ
അവഹേളിച്ചവർ ചരിത്ര ദുരന്തം.
ആചാരങ്ങളും വിശ്വാസങ്ങളും
തെറ്റെന്നു പറഞ്ഞവർക്കു വെടിയുണ്ടകൾ.
പറയൂ ഇനിയെങ്കിലും.
നിങ്ങൾ ഭയക്കുന്നതെന്തു?
അക്ഷരങ്ങളെയോ?
വാക്കുകളെയോ?
ചിന്തകളെയോ ?
ആവില്ല നിങ്ങൾക്കരിയുവാൻ
നാളെയുടെ നാമ്പുകൾ തൻ ജിഹ്വയെ.
കൊന്നുതള്ളുമോരോ ചിന്തയിൽ നിന്നും
ചർവ്വാകരുയിർക്കും
മറുപടിയില്ലാ ചോദ്യങ്ങളുമായ്,
നിങ്ങളുടെ മക്കളായി.
മൂർച്ച കൂട്ടിടുക
ആയുധങ്ങളവർക്കായ്.
കാത്തിരിക്കുക
ചവിട്ടി നിൽക്കുമീ മണ്ണൊലിച്ചു പോകും വരെ.
-----------------------------------ബിജു.ജി.നാഥ്