ഇനിയില്ല കാമത്തിന്
ഉഷ്ണബാണത്തില് കൊരുക്കും
മിഴികള് തന് തിരയിളക്കം
ഇനിയില്ല കാപട്യത്തിന്
കരള് പറിക്കും പ്രണയ
വാക്യം കൊരുക്കും വരികള് .
ഇനിയില്ല സ്വപ്നത്തിന്
മനംമയക്കും മിഴികള് തന്
കൂരമ്പുകള് നിദ്രയകറ്റുവാന്.
ഇനിയില്ലക്ഷരത്തൂമ്പയില്
അടിവേര് പരതുന്ന
തീക്കനലുകള് പൊള്ളിക്കുവാന് .
അകലങ്ങളില് കാണാ -
കയങ്ങളില് , ചുഴികളില്
അകലുന്നമനസ്സില്
പകരം വയ്ക്കാനില്ലാതെ
പതറി പരതിയൊരു
വാക്യമില്ലെങ്കിലും
മൗനം പതിച്ചു
പറയാതെ പോകുന്നു
കരളു പങ്കുവച്ചൊരു
കനവേ നിന്നില് നിന്നും .
**************ബി ജി എന്
No comments:
Post a Comment