എൻ്റെ പ്രണയമേ !!!
പിണങ്ങിപ്പിരിഞ്ഞു നീ പോയാലും
പിന്നെ കുണുങ്ങി കുണുങ്ങിത്തിരികെ വരും
എന്ന് പണ്ടാരോ പറഞ്ഞു പോയി.
ഇളം വെയിൽ പോലെ നീ
എൻ്റെ ഹൃദയമേ ഞാൻ തരളിതനിന്ന്
ഇതാരേലും പറഞ്ഞിട്ടുണ്ടാകുമോ?
ആരും പറയാത്ത വാക്കും
ആരും എഴുതാത്ത കവിതയും .!
ഇല്ല പെണ്ണേ
അത് മാത്രം എനിക്കു കിട്ടുന്നില്ല.
പരിണാമഘട്ടത്തിൻ്റെ ഈ വർത്തമാന കാലത്തിൽ
സാഹിതീയമായതൊന്നിലും
എഴുതപ്പെട്ടതിലും പെടാത്തതിലും
കാണാത്തതോ
വായിക്കാത്തതോ ആയ
ഒന്നും എനിക്ക് പറയാൻ കിട്ടുന്നില്ല.
സത്യമായും ചെയ്യാനും.
ഞാൻ എന്നത് മാത്രമാണ്
എനിക്ക് തരാൻ ഉള്ളത്.
ഞാൻ ഞാൻ മാത്രമാണല്ലോ.
എൻ്റെ പ്രണയം
എനിക്കു മാത്രം കഴിയുന്നതൊന്നാണെന്ന്
ഞാൻ കരുതുന്നതിനാൽ
നിൻ്റെ പിണക്കങ്ങളും
അകൽച്ചയും
കണ്ണീരും
വേദനയും
ഞാനും അനുഭവിക്കുന്നുണ്ട് .
നീയതറിയുന്നില്ലെന്ന് മാത്രം.
@ ബി.ജി.എൻ വർക്കല
No comments:
Post a Comment