ലളിത ഗാനം

ഒരു ലളിത ഗാനം

..............................

ഒരു നിമിഷാർദ്ധത്തിൻ രസധൂളിയിൽ

പടർന്നു കയറുന്നു നീ .... (2)

ഇലയടരാത്തൊരീ ശാഖികൾ തോറും ഒരു 

കാറ്റിനെ അയക്കുന്നു നീ . (ഒരു ... )

പറയൂ വിഷാദമേ ഈ രാവിലിന്നു ഞാൻ

കരയാതുറങ്ങുന്നതെങ്ങിനെ? (2)

നിൻ കരം മുത്തി ഞാൻ ചങ്കുപിളർന്നൊരു

കവിത കുറിക്കുമീ രാവിൽ (പറയൂ.....) 

മഞ്ഞു പൊഴിഞ്ഞു കഴിഞ്ഞൊരീ രാത്രിതൻ

മദഗന്ധം കാറ്റും മറന്നൂ. (2)

എന്നിലെ നിന്നെ തിരഞ്ഞു ഞാൻ രാവാകെ

എന്നിലൂടലഞ്ഞു നടന്നു. (ഒരു ... )

വേദനകൊണ്ടു ഞാനുച്ചത്തിൽ ശബ്ദിക്കേ

ഹാ ! എന്തു രസമെന്ന് ലോകം.(2)

കണ്ണുനീരെന്നിൽ നിന്നൂറിയിറങ്ങവേ 

കണ്ണുതിളങ്ങുന്ന ലോകം. (ഒരു...)

@ബി.ജി.എൻ വർക്കല 

05-08-2024