ഹാ! ജീവിതമേ...
വെറുതെ ചിരിച്ചും കരഞ്ഞും പറഞ്ഞും
പ്രിയമോടരികിലിരിക്കും കിളി തൻ
നിറുക തലോടിയിരിക്കും നിമിഷത്തിൻ
മധുരമാണോമലേ മനോഞ്ജമാം ജീവിതം.
പറയുവാനേറെയുണ്ടെങ്കിലും എന്നും
പറയുന്നതൊന്നും കേട്ടിടാൻ നില്ക്കാതെ
പ്രിയരവർ ചൊല്ലും വാക്കിൽ മയങ്ങി
പരിതപിച്ചീടുകിൽ ജീവിതം ഹാ കഷ്ടം!
ഇരുകരം കൊണ്ടേ ഉളവാകൂ രവമെന്നാൽ
ഒരുകരം കാണാതെയുണ്ടെന്നു കരുതുകിൽ
കരയുവാനല്ലാതെ പാരിതിൽ ഉണ്ടാമോ
പാഴായ് പോകും മാനവ ജീവിതമല്ലാതെ.
ഹൃദയത്തിൽ തൊട്ടെത്ര സത്യം പറകിലും
ഹൃദയത്താൽ അറിയാത്ത മാനസരെന്നും
ഹൃദയവ്യഥ കൊണ്ട് നഷ്ടപ്പെടുത്തുന്നു
ഹൃദയബന്ധങ്ങളെ ജീവിതാന്ത്യത്തോളവും.
@ബിജു ജി.നാഥ്
No comments:
Post a Comment