മുട്ടിയാൽ തുറക്കപ്പെടില്ല
.............................................
ഹാ ! നിഗൂഢമാം ഇരുളിൻ കയത്തിലായ്
വീണിടുന്നു ഞാൻ മെല്ലെയെന്നറിയുന്നു.
കൈ പിടിച്ചൊന്നുയർത്തുവാൻ വേണ്ടിയീ-
ഭൂമി തന്നിലില്ലാ മമ നിഴലുപോലുമേ.
നഷ്ടമാകും പ്രതീക്ഷതൻ ചിറകാലേ
എത്ര ശ്രമിക്കിലും പറക്കുവാനാകില്ല.
ഉള്ളെരിഞ്ഞിട്ടുണരും അഗ്നിക്കുമാകില്ല
തെല്ലുമീ തണുവിരൽ പോലുമിളക്കിടാൻ.
കാടുപോലെ വിഹ്വലമാമീ ലോകത്തിൽ
കൂട്ടുകൂടുവാൻ മാത്രമില്ലൊരു ഗന്ധവും.
നേർത്തവളയത്തിലലംകൃതമാമൊരു നൽ-
മുലച്ചുണ്ടു നുണഞ്ഞ് ഞാൻ മയങ്ങട്ടെ.
കൺതുറന്ന് ഞാൻ മേലേക്ക് നോക്കുകിൽ
കന്മദമൂറാ പാറതൻ കണിയോ കാൺവത്?
ഉള്ളു തുറന്ന് ഞാൻ കേണിടുമെന്നാകിലും
കൊട്ടിയടച്ചൊരു കൽമനമൊട്ടുമിളകില്ല.
@ബിജു.ജി.നാഥ്
No comments:
Post a Comment