വര്‍ഷകാല മേഘങ്ങള്‍
വിരുന്നുവരും
സുന്ദരമാമീയാനനം തന്നിലായ്
ഒട്ടിട തെളിഞ്ഞിട്ടു മാഞ്ഞേ
പോയിതോ
മഴവില്ലിന്‍ കൗതുകക്കാഴ്ച
പോലൊരു സ്മേരം !
അതിലോലം നീണ്ടുകൂര്‍ത്തോരീ
കരാംഗുലി
കള്‍ക്കിടയിലൂടൂര്‍ന്നുപോകാതെ
മോഹനം കാത്തു സൂക്ഷിച്ചതെത്ര
മോഹങ്ങള്‍
രാത്രി തന്‍ വിജനത തിന്നു തീര്‍ത്തതെത്ര തേങ്ങലുകളൊളിപ്പിച്ച ശയ്യയും
നിദ്ര വിട്ടകലുമ്പോള്‍ കണ്ടു തീര്‍ത്ത
ജാലകക്കാഴ്ചകള്‍ തന്‍ നിലാവെളിച്ചവും
ഒട്ടുമേ പറയാതെ പോകുന്നുവോനീ
പ്രിയ തോഴി , മറന്നു പോകുന്നുവോ
എന്നെയും
ഓര്‍മ്മകളില്‍ നഖമുനയാഴ്ത്തി എത്രയോ !
വേഴ്ചകള്‍ നിന്നെ കടന്നു പോയി
തണുത്തു വിറച്ചോരാ സ്നാനഗൃഹം തന്നില്‍
ചൂളിയിരുന്നില്ലെത്ര നാഴികകള്‍ !
ചേര്‍ത്ത് പിടിക്കുവാന്‍
പറ്റിപ്പടരുവാന്‍
സ്വപ്നത്തിന്‍ തേരിതില്‍ വന്നിരുന്നില്ല .
ഗന്ധര്‍വ യാമങ്ങള്‍ കടന്നു
പാലപൂക്കും
സുന്ദര പൗര്‍ണ്ണമി രാവുകളൊന്നുമെങ്കിലും
നിര്‍ന്നിമേഷം കാത്തിരിപ്പൂ നീ മൃതി
തന്നാലയം പുല്കിടും മുന്നേ
ചേര്‍ത്തു പിടിക്കും വിരിമാറൊന്നില്‍
മുഖം പൂഴ്ത്തിയൊന്നു കരയുവാന്‍
വിരുന്നുവരും
സുന്ദരമാമീയാനനം തന്നിലായ്
ഒട്ടിട തെളിഞ്ഞിട്ടു മാഞ്ഞേ
പോയിതോ
മഴവില്ലിന്‍ കൗതുകക്കാഴ്ച
പോലൊരു സ്മേരം !
അതിലോലം നീണ്ടുകൂര്‍ത്തോരീ
കരാംഗുലി
കള്‍ക്കിടയിലൂടൂര്‍ന്നുപോകാതെ
മോഹനം കാത്തു സൂക്ഷിച്ചതെത്ര
മോഹങ്ങള്‍
രാത്രി തന്‍ വിജനത തിന്നു തീര്‍ത്തതെത്ര തേങ്ങലുകളൊളിപ്പിച്ച ശയ്യയും
നിദ്ര വിട്ടകലുമ്പോള്‍ കണ്ടു തീര്‍ത്ത
ജാലകക്കാഴ്ചകള്‍ തന്‍ നിലാവെളിച്ചവും
ഒട്ടുമേ പറയാതെ പോകുന്നുവോനീ
പ്രിയ തോഴി , മറന്നു പോകുന്നുവോ
എന്നെയും
ഓര്‍മ്മകളില്‍ നഖമുനയാഴ്ത്തി എത്രയോ !
വേഴ്ചകള്‍ നിന്നെ കടന്നു പോയി
തണുത്തു വിറച്ചോരാ സ്നാനഗൃഹം തന്നില്‍
ചൂളിയിരുന്നില്ലെത്ര നാഴികകള്‍ !
ചേര്‍ത്ത് പിടിക്കുവാന്‍
പറ്റിപ്പടരുവാന്‍
സ്വപ്നത്തിന്‍ തേരിതില്‍ വന്നിരുന്നില്ല .
ഗന്ധര്‍വ യാമങ്ങള്‍ കടന്നു
പാലപൂക്കും
സുന്ദര പൗര്‍ണ്ണമി രാവുകളൊന്നുമെങ്കിലും
നിര്‍ന്നിമേഷം കാത്തിരിപ്പൂ നീ മൃതി
തന്നാലയം പുല്കിടും മുന്നേ
ചേര്‍ത്തു പിടിക്കും വിരിമാറൊന്നില്‍
മുഖം പൂഴ്ത്തിയൊന്നു കരയുവാന്‍
.... ബി.ജി. എൻ വർക്കല
No comments:
Post a Comment