വെളിപാടുകൾ
മേഘമാലകൾ എത്ര മറച്ചീടിലും
വാനിലമ്പിളി തിളങ്ങി നിന്നീടുന്നു.
തിരമാലകൾ എത്ര ശ്രമിക്കിലും
വെൺശംഖ് സൂര്യദർശനം നേടിടും.
മൂടിവച്ചീടുകെത്ര നാൾകളെങ്കിലും
സത്യമൊരുനാൾ പുറത്തു വരില്ലയോ.
പ്രണയമെത്ര നിഗൂഢമെങ്കിലും പ്രിയേ
നയനമതിനാവില്ല മറയ്ക്കുവാൻ.
വെറുപ്പുകൊണ്ടു നിറഞ്ഞ ഹൃത്തിനെ
മറയ്ക്കുവാൻ വാക്കു തോറ്റു പോയിടും.
മറച്ചു വയ്ക്കുവാൻ എന്തു ശ്രമിച്ചാലും
തുറന്നു കാട്ടുമതത്രേ പ്രപഞ്ചനീതി.
@ബി.ജി.എൻ വർക്കല
No comments:
Post a Comment