തിരിച്ചറിവ്

എന്നുമോർക്കും നിൻ്റെ ചുണ്ടിൽ വിരിയും

മന്ദഹാസത്തെ ഒന്നൊപ്പിയെടുക്കാൻ.

എന്നുമോർക്കും നിൻ്റെ വരികളിൽ വിടരും

ചാന്ദ്രനിലാവൊന്നു മേനിയിൽ ചൂടാൻ.

എന്തിനായ് നീയെൻ്റെ അഗ്നിപൂക്കും രാവിൽ

ചന്ദനം പൂത്ത ഗന്ധമായ് വന്നിടുന്നു?

എന്തിനായ് നീയെൻ ഗന്ധകപ്പുരയിൽ നീളെ

മഞ്ഞു പൂക്കൾ പെയ്യും വസന്തമായ്.

വരികില്ലെന്ന് ഞാൻ വാശി പിടിച്ചെത്ര കാലം

പ്രിയതേ നിൻ്റെ ചാരത്ത് വെറുതെ.

വരികില്ലെന്നിൽ പ്രണയം പൂക്കും മദഗന്ധം 

ഒരു കാലത്തും ഞാനുള്ളിൽ ഉറപ്പിച്ചു.

കഴിഞ്ഞു പോയെൻ്റെ വ്രതവും വാക്കുമിന്നീ

പകൽമായും നേരം പറയാം ഞാൻ.

കഴിഞ്ഞു പോയെൻ്റെ കപടമാം ഗർവ്വിൻ

മുഖപടം ഊരിവീണു പോയ് കഷ്ടം.

കളിയാക്കാെല്ലേ ലോകമേ എന്നെ തെല്ലുമേ

ഇന്ന് പതിരായെൻ്റെ വാക്കെന്നാൽ.

കളിയാക്കൊല്ലേ കപടമാം കാലമേ എന്നെ

അറിയാതിന്ന് നീയൊന്നും പറയല്ലേ.

@ബിജു.ജി.നാഥ്