സൗഹൃദം

സൗഹൃദം

..................

കാലം കടന്നു പോയെത്ര വേഗം

പ്രായവും ഏറെയങ്ങേറിയല്ലോ

ഓർമ്മകൾ മാത്രം മറഞ്ഞതില്ല

സൗഹൃദം മായാത്ത മുദ്രപോലെ.

കൗമാരം മാറിയതോർമ്മയില്ലാ

യൗവ്വനം പോയ്മറഞ്ഞല്ലോ വേഗം.

പദവികൾ മാറി നാമോരോരുമേ

പലവിധവേഷത്തിലെത്തിയിന്ന്.

ഇലകൾ കൊഴിയും പോലിടക്കായ്

ചില മുഖമെങ്ങോ മറഞ്ഞുപോയ്

ദളങ്ങൾ വാടും പനിനീർപ്പൂപോൽ

മുഖങ്ങൾ പലതും നരച്ചും പോയ്.

രോഗവും മേദസ്സും ജീവിതഭാരവും

വിരുന്നുകാരെപ്പോലിടയ്ക്കു വന്നു

പങ്കാളികൾ ചിലർ മാഞ്ഞു പോയ്

ജീവനിൽ ശൂന്യത കൂട്ടുവന്നു.

എന്നും താങ്ങായ് നിന്നിടുവാൻ

കൂട്ടുകാർ മാത്രമുണ്ടീയുലകിൽ

ബന്ധങ്ങൾ ബന്ധനമായിടുമ്പോൾ

സൗഹൃദമല്ലാതെന്തുണ്ട് പാരിൽ.

ഒന്നായ് നില്ക്കണം നാമെന്നുമേ

നമ്മിൽ നമുക്കുള്ള വേദനയിൽ

ഒന്നായിട്ടാനന്ദം കൊണ്ടിടണം

നമ്മിലെ സന്തോഷകാലത്തെന്നും.

@ബിജു ജി.നാഥ്

https://youtu.be/S43t2QrSZv0