വെളിപാട്

കാലം കടന്നു പോയ് എത്ര വേഗം

പ്രായവും ഏറെയങ്ങേറിയല്ലോ.

പിന്തിരിഞ്ഞങ്ങൊന്നു നോക്കിടുമ്പോൾ

ജീവിച്ചിരുന്നതൊരത്ഭുതം പോൽ.

നഷ്ടപ്പെടുത്തി ഞാൻ നിൻ ജീവിതം

കഷ്ടങ്ങൾ മാത്രം നിത്യം നല്കിടുന്നു.

പൊട്ടിച്ചെറിഞ്ഞങ്ങകന്നീടുവാൻ നീയിനിയും

എന്തിത്ര വൈകുന്നതറിവീലല്ലോ.

രണ്ടു ധ്രുവങ്ങളിൽ നാമെത്ര കാലമായി-

ങ്ങനെ വെവ്വേറിതുക്കളെ കണ്ടീടുന്നു.

ഇന്നീ പകലിനെ സാക്ഷിയായ് നാം

ബന്ധിതരല്ലെന്ന് പ്രതിജ്ഞ ചെയ്തീടിടാം.

@ബിജു.ജി.നാഥ് വർക്കല