ബലി

അവരുടെ ഇഷ്ടങ്ങളിൽപ്പെട്ടവനുടെ ഇഷ്ടങ്ങൾ അന്ത്യശ്വാസം വലിക്കുന്നു.
അനന്തരമവർ ആമോദത്തോടെയവൻ-
തന്നസ്ഥികൾ കടലിലൊഴുക്കുന്നു .-

-------@ബിജു ജി. നാഥ്

പട്ടിണി

അസൂയ

അസൂയ

======

ഇത്രയേറെ ഗോപസ്ത്രീകള്‍ തന്‍

മുലകള്‍ കുടിച്ചു വളര്‍ന്നോരാ

അമ്പാടിയിലെ കള്ള കണ്ണനോട്

അത്രമേല്‍ പകയെനിക്കെന്തേ?

.... ബി.ജി.എൻ വർക്കല

പ്രണയം മരണം

പ്രണയം മരണം

============

നിന്റെ അകല്‍ച്ചയില്‍
എന്നിലക്ഷരങ്ങള്‍ മുറുകുന്നു.
നീ അരികിലുള്ളപ്പോള്‍
ഞാന്‍ പ്രണയാക്ഷരങ്ങളില്‍
ജീവിതം തേടുന്നു .
അല്ലയോ മരണമേ !
നീയെന്നെ എന്തിനിങ്ങനെ
സ്നേഹിച്ചീടുന്നു?

ബി.ജി.എൻ വർക്കല

സ്മൃതി

ഉത്സവപ്പിറ്റേന്ന്

ഉത്സവപ്പിറ്റേന്ന് 

............................

പൊട്ടിയ ബലൂണുകൾ
ചിതറിയ വർണ്ണക്കടലാസുകൾ
ജോഡിയില്ലാ പാദുകങ്ങൾ
ചൂരു നഷ്ടപ്പെട്ട പിണ്ടങ്ങൾ
വളപ്പൊട്ടുകൾ
ബീഡിത്തുണ്ടുകൾ
ഓർമ്മകൾക്ക് മേൽ
പടിയിറങ്ങിയ ഉത്സവം.!
... ബി.ജി.എൻ വർക്കല

പൊന്മുത്തം

അവകാശികൾ

അടിമ

അടിമ

====

നിന്റെ നേര്‍ച്ചക്കോഴിയാകാം ഞാനൊ-
രുപാധിക്കുമേല്‍ മേല്‍ മാത്രം പ്രേയസീ .
ഒറ്റവെട്ടിനു തീര്‍ക്കരുതെന്റെ വേദനയെ
ഇഞ്ചിഞ്ചായി പ്രണയിച്ച് തീരണമെനിക്ക്

..... ബി.ജി.എൻ വർക്കല

അരുതു കാട്ടാളാ...

അരുത് കാട്ടാളാ ...

എന്തിനായ് ഞാനെന്റെ നോവും മനസ്സിനെ

ചന്ദ്രനിൽ നിന്നുമടർത്തി മാറ്റി.

എന്തിനെൻ ഹൃത്തിലെ ചെമ്പനീർപൂവിന്റെ

ഇതളുകൾ ഞാനിന്നടർത്തി നോക്കി.

ഒട്ടും പരിക്കുകൾ പറ്റാതെ മുറ്റത്തിൻ 

കോണിൽ വിരിഞ്ഞൊരു പാരിജാതം

കണ്ണു നിറച്ചെന്നെ നോക്കി വിതുമ്പുമ്പോൾ

കൈവിറയ്ക്കാതെങ്ങനെ നുളളിടും ഞാൻ.

.... ബി.ജി.എൻ വർക്കല

വരിക വേഗം

വരികെന്റ കൂട്ടുകാരാ

വരിക നീ അതിവേഗം

നിഴലായ് നാം ഇരുവരും

അകലുന്ന നിമിഷമായ്.

.... ബി.ജി.എൻ ....

തിരിച്ചറിയുക

"ഒടുവിൽ ഒരുവരും ശേഷിക്കയില്ലയീ

അവനിയിൽ നേരിന്റെ ദീപം പേറുവോൻ.

എങ്കിലും പൊരുതുക നിങ്ങൾ മടിയാതെ

ശേഷിയ്ക്കതെന്തിനിരുളിൽ വസിക്കാൻ "

...... ബി.ജി.എൻ വർക്കല