ഞാൻ മരിച്ചു കഴിയുമ്പോൾ....

ഞാൻ മരിച്ചു കഴിയുമ്പോൾ....

..............................................

ഞാൻ മരിച്ചു കഴിയുമ്പോൾ

അനുശോചനങ്ങളുടെയും

കപട വാക്കുകളിൽ പടച്ചു വിടുന്ന

മൃദുല ഭാഷ്യങ്ങളുടെയും

വഴുവഴുക്കലുകൾ ഉണ്ടാകരുതിവിടെ..

പുകയ്ക്കുന്നവർ പുകച്ചും

കുടിക്കുന്നവർ കുടിച്ചും

പ്രണയിക്കുന്നവർ പ്രണയിച്ചുമാകണം

യാത്രയാക്കാനെന്നെ.

എനിക്കേറ്റവും ഇഷ്ടപ്പെട്ട ആ മുലകൾ

അന്നൊരു ദിവസത്തേക്ക് ഒരു മിനിറ്റ്

എനിക്കു വേണ്ടി തുറന്നിടണം

മൗനപ്രാർത്ഥന പോലെ.

സ്വയംഭോഗത്തിൻ്റെയോ

രതിയുടെയോ ഉന്മാദാവസ്ഥയിൽ

എൻ്റെ പേര് വിളിക്കണം 

ബ്യൂഗിൾ നാദം പോലെ

അന്ത്യയാത്രാമൊഴി പോലെ...

ശേഷം ,

അൺഫ്രണ്ട് ചെയ്ത് കടന്നു പോകുക.

എല്ലാ ദിനങ്ങളിലേതുമെന്ന പോലെ...

കണ്ണീരും പതം പറച്ചിലുകളും ഇല്ലാതെ

യാത്രയാക്കുകയെന്നെ.

ഓർക്കാനും ഓർമ്മപ്പെടുത്താനും

ഒന്നുമവശേഷിപ്പിക്കാത്തൊരുവന്

നിങ്ങൾ നല്കേണ്ട യാത്രാമൊഴിയാകട്ടെ അത്....

...... ബി.ജി.എൻ വർക്കല