സമവാക്യങ്ങൾ

ജീവിതം
പ്രണയം
രതി
ഇവയ്ക്കിടയിൽ കടന്നു വരുന്ന എന്റെയെന്റെയെന്ന ചിന്തകൾ.
ഒരിക്കലും വിട്ടുകൊടുക്കില്ലെന്നും,
വേലിചാടില്ലെന്നും
മനസ്സുകളുടെ വടംവലികൾ.
ശരീരം വേറിട്ടതാണെന്നും
മനസ്സു കിട്ടാത്തിടങ്ങളിൽ
ശരീരം വെറുമൊരു മാംസമെന്നും
തിരിച്ചറിയണം.
വ്യക്തിസ്വാതന്ത്യങ്ങളും
ഇഷ്ടങ്ങളും പരസ്പരം മാനിക്കണമെന്ന്
മനസ്സിനെ പഠിപ്പിച്ചാൽ
ഒരു കാമുക(കി)ക്കും
ഒളിഞ്ഞും പാത്തും രമിക്കേണ്ടി വരില്ല.
ഒരു ജീവനും
അകാല ചരമം പ്രാപിക്കില്ല.
ലോകമത്ര സുന്ദരമാകാൻ
എത്ര കാലം ചരിക്കണം നാമിനി.
...... ബി.ജി.എൻ വർക്കല