പ്രണയസ്വർഗ്ഗം

പ്രണയസ്വർഗ്ഗം
.........................
നിന്റെ മുടിയിഴകളിലൂടെ സഞ്ചരിക്കുമ്പോൾ
എന്റെ വിരലുകൾ മടിയന്മാരാകുന്നു.
നിന്നെ ചേർത്തു പിടിക്കുമ്പോൾ
ഞാനൊരു പിശുക്കനാകുന്നു.
നിന്നെക്കുറിച്ച്  ചിന്തിക്കുമ്പോഴാകട്ടെ
ഞാൻ മലർപ്പൊടിക്കാരനാകുന്നു.
നിന്റെ വിരൽത്തുമ്പ് തൊടുമ്പോൾ
ഞാൻ വാകപ്പൂമരം പോലാകുന്നു.
നിന്നെ കാത്തിരിക്കുമ്പോഴാകട്ടെ
ഞാൻ സമയത്തെ പഴിക്കുന്നു.
നിന്റെ ഗന്ധമോർക്കുമ്പോൾ
ഞാൻ അറേബ്യൻ അത്തറുകൾ തേടുന്നു.
നിന്റെ സ്വരം കേൾക്കവേ
ഞാൻ ബാവുൾ ഗീതം ഉപേക്ഷിക്കുന്നു.
നിന്റെ മിഴികളിൽ നോക്കുമ്പോൾ
ഞാൻ നക്ഷത്രങ്ങളെ മറക്കുന്നു.
നിന്റെ കവിത വായിക്കുമ്പോൾ
ഞാൻ സോളമനെ മറക്കുന്നു.
...... ബിജു.ജി.നാഥ് വർക്കല