വെറുതെ കരയുന്നതെന്തിനു ?

വെറുതെ കരയുന്നതെന്തിനു ?
...............................................
കവിതയിൽ നീ കുറിച്ചി -
ല്ലിന്നിതു വരെ ജീവന്റെ താളം .
ഒരു വരി പോലും പറഞ്ഞി-
ല്ലിതുവരെ പ്രത്യാശ നിറച്ചും.
എഴുതുന്നു നീ നിത്യം ജീവ-
നിറങ്ങിപ്പോകും വഴികൾ മാത്രം.
ഒരു ദിനം മരിച്ചു പോമെങ്കിലും
എന്നുമീ മരണത്തെ എന്തിനോർക്കുന്നു.
വരികൾക്കിടയിലായെന്തിനു
താരകമായ് വാനിൽ നിൽക്കും പ്രതീക്ഷകൾ !
പോയിടുമൊരു നാൾ ദുഃഖ-
സാന്ദ്രമാം പിൻവിളി കേൾക്കുവാനാകാതെ.
മരണം, മനോഹരമാണീ ലോക-
കലഹത്തെ വിട്ടൊഴിയും യാത്ര.
അതിനാൽ മറക്കുക ഇനി
മരണവും രോഗവും മെല്ലെ.
ഒരു നിമിഷമെങ്കിലാ നിമിഷത്തെ
ഉത്സവമാക്കുക കഴിവതും.
പ്രിയവുമപ്രിയങ്ങളും
പറഞ്ഞു നീ നിവർത്തിക്കുക വേഗം.
പറയുവാനാവില്ലാരെന്നും
എപ്പോഴെന്നുമുള്ളത് മരണം മാത്രം'
അതിനാൽ ജീവിക്കയിന്നിലായ്
അതിനാൽ ജീവിക്കയിന്നിലായ്.
... ബി.ജി.എൻ വർക്കല