താരക മിഴികളില് നാണം വിതച്ചു,
ശാരദ രാവിന് നീലവിരി പുതയ്ക്കുന്നു
വാരിധി തന്നിലെ ജലതരംഗങ്ങള്
മാരുതി തന് കരതലം തഴുകുമ്പോള്!
അണിയുന്നു മൌനത്തിന് മാലേയം
പൊതിയുന്നു ശോകത്തിന് നീഹാരം
വിടരുന്നു ചിന്തകള് തന് കല്ഹാരം
പതയുന്നു മിഴികള് കവിയും കല്ലോലം!
പൂവുകള് സുഗന്ധമാം സ്മേരത്താലും ,
പുള്ളുകള് ഹൃദയംഗ ഗാനം മൂളിയും
ഭൂമിതന് അംഗങ്ങള് പുളകിതമാക്കിലും
മമ മാനസമെന്തഹോ വിടരാതിങ്ങനെ !
---------------------------ബിജു ജി നാഥ്
മനോഹരഗാനം
ReplyDeleteവളരെ നന്നായിട്ടുണ്ട്
ReplyDeleteആശംസകള്